must-buy item

咦，這裡好像荒廢了一點．．．唔緊要，等我出場。

窮我就窮，不過講到買平嘢，一啲都唔拿手。

我沒有心機格價，
沒有時間想太多。

會否衝動消費？經常。
會否錯誤投資？反而甚少。

我很少買到十分便宜的東西，
但我的東西都可以用很久。

我相信每個人都有must-buy item。
女仔特別多，
衝動消費是在沒有預計的情況下購物，
但如果買的東西都在must-buy item list，
而價格都在自己可以afford的範圍，
我不會覺得有問題。
「早買早享受」，總有它的道理。

在list上同類的物品不可多於兩件，這是golden rule.
你要五十條scarf 把鬼呀?
你以為自己是容祖兒還是鄭秀文?
有冇咁多衫要襯呢

check my list.

鞋呢, 淨白和淨黑是首選。
波鞋/cons x1
黑白高跟 各1
boot 1-2
拖鞋/涼鞋/crocs/burkenstock 1-2

我覺得已經十分夠。

converse是我由大學到現在日日都穿的鞋。
裙又得褲又得, 短褲又得, smart casual都得,
真係捨我其誰。

所以我個人會原諒它好快磨蝕的問題。

上年買了一對灰白色女裝款crocs, 特價$180
自此, 旅行必備。
一踢就甩，上機可以即訓，見到水可以即刻跳落去玩，
落雨又唔怕，仲可以襯下長裙仔添。

但唔好問我佢同翻版有乜分別。

高跟鞋和boots就難搞啲，真係要有相當運氣。
一定要舒服，要追到巴士，這是我的基本要求，
好鞋難求，有時貴一點也值得。

個人認為，冇人著高踭鞋和boots係唔好睇的，
只要款式夠簡單就有排玩，
你想像自己著到三四十歲都可以著到的款就最好了，
這些東西，「扮靚女」必備啊！

「扮靚女」必備的，還有花裙仔。
因為花裙好多花...(廢話)，唔燙遠睇都唔覺（但個人來講會心虛）
是大學時用來扮大人時買的，
（因為我唔鍾意著suit）

有咩事拿上手，
無論你肥左定瘦左，
它也是我最好的朋友。
看下門口，有咩formal occasion,
紅白二事都可以出場。

看到這裡，你應該發現，
其實這是男人的購物思維，
不過放了在一個女孩子身上而已。

這些是我認為最基本的must-buy item
當然，你要fancy又要慳錢，就要再想辦法了。

總之，買嘢原則就是，

1. 睇啱
2. check your own list
3. 不在list的話, 係咪真係咁抵, 一定要買呀?
4. on list, 係咪又抵又著得好睇?

if yes, 我一定會投資, 後悔情況甚少發生。

種類要多，數目要少。

雖然都幾廢, 當旺下個場啦, 嘻。